កម្លាំងប៉ុស្តិ៍រដ្ឋបាលឃ្មួញ បានឃាត់ខ្លួនជនសង្ស័យម្នាក់ ករណីប្រើប្រាស់ខុសច្បាប់នូវសារធាតុញៀន
10-August-2018 | ដោយ ពលមនសិការ
ភ្នំពេញ៖ នៅថ្ងៃទី១០ ខែសីហា ឆ្នាំ២០១៨ វេលាម៉ោង០២ និង១៥នាទី កម្លាំងប៉ុស្តិ៍រដ្ឋបាលឃ្មួញ បានឃាត់ខ្លួនជនសង្ស័យម្នាក់ ករណីប្រើប្រាស់ខុសច្បាប់នូវសារធាតុញៀន នៅចំណុចតាមផ្លូបេតុង ភូមិអន្លង់ក្ងាន សង្កាត់ឃ្មួញ ខណ្ឌសែនសុខ។
លោកវរសេនីយ៍ឯក ហ៊ួរ ម៉េងវ៉ាង អធិការនគរបាលខណ្ឌសែនសុខបានឲ្យដឹងថាជនសង្ស័យឈ្មោះ គង់ គីម ភេទប្រុស អាយុ២៨ឆ្នាំ ជនជាតិខែ្មរ មុខរបរមិនពិតប្រាកដ ស្នាក់នៅភូមិសែនសុខ៥ សង្កាត់ឃ្មួញ ខណ្ឌសែនសុខ។ សម្ភារៈដកហូត៖ក្រាមសថ្លាចំនួន០១កូនថង់តូច ។
លោកអធិការបន្តថាមុនពេលកើតហេតុ កម្លាំងល្បាតប៉ុស្តិ៍រដ្ឋបាលឃ្មួញ បានល្បាតក្នុងភូមិសាស្ត្រដល់ចំណុចកើតហេតុខាងលើ ឃើញជនសង្ស័យ កំពុងដើរតាមផ្លូវ ដោយមានការសង្ស័យកម្លាំងល្បាតយើងហៅជនសង្ស័យឲ្យឈប់ត្រួតពិនិត្យលើដងខ្លួនរកឃើញក្រាមសថ្លាចំនួន០១កូនថង់តូច នៅជាប់ខ្លួនជនសង្ស័យ រួចកម្លាំងយើងបាននាំខ្លួនជនសង្ស័យ រួមទាំងវត្ថុតាង យកមកធ្វើការសាកសួរ នៅអធិការដ្ឋាននគរបាលខណ្ឌសែនសុខ។ បច្ចុប្បន្ន ជនសង្ស័យកំពុងឃាត់ខ្លួននៅអធិការដ្ឋាននគរបាលខណ្ឌសែនសុខ ដើម្បីអនុវត្តតាមនិតិវិធី៕
ចំនួនអ្នកទស្សនា
- ថ្ងៃនេះ5631
- ម្សិលមិញ16391
- សប្តាហ៍នេះ51861
- ខែនេះ167011
- ឆ្នាំនេះ167011
- សរុប20609467